Тыдзень мабільнасці

Ва ўстанове адукацыі у рамках тыдня мабільнасці з навучэнцамі 1-11 класаў адбылася гадзіна зносін “22 верасня – Дзень без аўтамабіля”. Мэта мерапрыемства: пазнаёміць навучэнцаў са святам “Дзень без аўтамабіля”, даць зразумець, што магчыма жыць і без дапамогі аўтамабіля; выхоўваць імкненне беражлівых адносін да прыроды, актыўнага ўдзелу ў абароне навакольнага асяроддзя.

Падчас мерапрыемства навучэнцы абмеркавалі асноўныя віды эка-транспарту. Настаўнік звярнула ўвагу на выкарыстанне ў паўсядзённым жыцці такога транспарту. Дзеці з вялікім захапленнем намалявалі экалагічныя сродкі перамяшчэння.

Напярэдадні Сусветнага дня без аўтамабіля сярод навучэнцаў 4-6 класаў адбыўся конкурс знаўцаў правіл дарожнага руху. Дадзенае мерапрыемства прапагандавала ідэю пешага і веласіпеднага спосабаў перамяшчэння і адмову ад аўтамабіля.

Навучэнцы ўстановы адукацыі ў рамках акцыі “Сусветны дзень без аўтамабіля” правялі майстар-клас язды на ровары. Дзеці прыйшлі да высновы, што язда на ровары карысна не толькі для прыроды, але і для здароўя людзей. Мэта: прыцягненне ўвагі дзяцей і дарослых да праблемы негатыўнага ўплыву, які робіцца аўтамабілямі на навакольнае асяроддзе.

Падчас прагляду відэа на экалагічную тэматыку навучэнцы азнаёміліся з гісторыяй узнікнення аўтамабільнага транспарту, даведаліся аб шкодзе, якую прыносіць аўтамабіль навакольнаму асяроддзю, пашырылі веды пра эка-транспарт.