Вясновыя канікулы

Здаровы лад жыцця - адна з найважнейшых умоў існавання сучаснага чалавека. Сёння дзень быў прысвечаны менавіта здароўю і гігіене.
Гэты дзень у аздараўленчым лагеры пачаўся з хвілінкі здароўя “Прафілактыка вірусных захворванняў”. Затым прайшла крэст-гульня “Падарожжа па краіне здароўя”, падчас правядзення якой навучэнцы паўтарылі правілы, якія неабходна выконваць для таго, каб быць здаровым.

На хвілінке здароўя "У гасцях у Здаравячка: 10 правіл добрага настрою" дзеці пры дапамозе картак вызначылі правілы добрага настрою.
Адно з правіл добрага настрою - гэта мець сапраўдных сяброў. Дзеці вырабілі паштоўкі "Вясенні сюрпрыз". Атрымалася здорава.
Каб падтрымаць добры настрой, на свежым паветры прайшла гульня "Вясеннія народныя забавы".
Выхаванцы лагера наведалі Гольчыцкі СДК. Там быў праведзены майстар - класс "Алоўніца" і пазнавальна - гульнёвая праграма "У краіне здароўя". Усе ўдзельнікі атрымалі зарад бадзёрасці і шмат станоўчых эмоцый! Усе былі дружныя і актыўныя.
Дзень атрымаўся насычаным і вяселым.

Дзень талентаў у лагеры "Праметэй" пачаўся хвілінкай здароўя "Курэнне гэта дрэнна", падчас якой навучэнцы прыйшлі да высновы, што "Курить-здоровью вредить"

З мэтай паглыблення ведаў пра ўплыў камп'ютара на фізічны і псіхалагічны стан дзяцей адбылася хвілінка здароўя "Камп'ютар і здароўе". 

Інтэрактыўная пазнавальная гадзіна "Беларускія традыцыі якасці", падчас якой вучні даведаліся пра сучасныя якасныя здабыткі беларускага народа ў вобласці навукі і тэхнікі, адукацыі, культуры, аховы здароўя.

Выхаванцы лагера наведалі Гольчыцкі СДК, дзе адбылася гадзіна творчасці "Кветка". Дзеці навучыліся вырабляць кветкі з прыродных матэрыялаў і атрымалі вялікае задавальненне ад сваёй працы.

Турнір па міні-футболе "Мірнае дзяцінства - шчаслівае дзяцінства". Вучні ўпэўніліся ў тым, што рухальная актыўнасць умацоўвае здароўе і спрыяе сяброўскім адносінам.

З мэтаю паўтарэння правіл дарожнага руху, паглыбленне ведаў па правілах бяспечных паводзін на дарозе і вуліцы, пра значэнне іх выканання адбыліся наступныя мерапрыемствы: 

хвілінка бяспекі "Добрая дарога";

гульня-падарожжа "Памятай правілы руху, як табліцу множання"; 

конкурс малюнкаў "Дарога, аўтамабіль, пешаход".

Таксама дзеці прагледзелі мультфільм " Урокі цётачкі Савы". Напрыканцы дня адбыліся вясёлыя гульні "Вялікія гонкі"

Адбыўся відэалекторый "Прывычка быць здаровым". Навучэнцы яшчэ раз нагадалі прывычкі, якія прыносяць карысць нашаму арганізму, а якія шкодзяць.

25.03.2024 у школьным аздараўленчым лагеры “Праметэй” Дзень бяспекі. 

З мэтай абагульнення ведаў аб правілах бяспечных паводзін на дарозе, у грамадскіх месцах, каля вадаёмаў прайшла віктарына “Ці ведаеш ты правілы бяспекі?” 

Выхаванцы лагера з цікавасцю правялі час у віртуальным міры за праглядам мультсерыяла “Смяшарыкі”. 

У сяброўскай атмасферы прайшлі спаборніцтвы па настольным тэнісе паміж выхаванцамі лагера і навучэнцамі 10 класа.

Дзеці атрымалі эмацыйнае задавальненне і зарад энергіі ад гульні на свежым паветры “Калі хочаш быць здаровым”.