Педсавет

Даклад намесніка дырэктара па выхаваўчай рабоце

Аб рабоце класных кіраўнікоў з навучэнцамі і іх законнымі прадстаўнікамі па фарміраванні культуры здаровага ладу жыцця                        і прафілактыцы шкодных звычак. Павышэнне педагагічнай кампетэнтнасці настаўнікаў і выхавацеляў дашкольнай адукацыі                             ў пытаннях здароўезберажэння

 

Адзіная прыгажосць, якую я ведаю, – гэта здароўе.

Генрых Гейнэ

 

Наша здароўе – у нашых руках, і выбар на карысць здаровага ладу жыцця неабходна рабіць ужо сёння. 

Здаровы лад жыцця – гэта лад жыцця чалавека, накіраваны                     на захаванне здароўя, прафілактыку хвароб і ўмацаванне чалавечага арганізма.

Адной з галоўных задач установы адукацыі з’яўляецца захаванне              і ўмацаванне здароўя навучэнцаў і выхаванцаў, прывіццё ім навыкаў здаровага ладу жыцця. Неад’емнай састаўляючай фарміравання культуры здаровага ладу жыцця вучняў з’яўляецца паслядоўная і мэтанакіраваная дзейнасцьпа прафілактыцы шкодных звычак.

Работа ўстановы адукацыі па выхаванні ў навучэнцаў навыкаў здаровага ладу жыцця, прафілактыцы п’янства, таксікаманіі, наркаманіі             і курэння здзяйсняецца па напрамках:

выхаваўчая работа класных кіраўнікоў;

прафілактычная работа педагога сацыяльнага;

арганізацыя спартыўна-масавых мерапрыемстваў, у тым ліку                          ў шосты школьны дзеньі на аб’яднаннях па інтарэсах спартыўнага кірунку;

работа кіраўніцтва ўстановы, класных кіраўнікоў і педагога сацыяльнага па інфармаванні навучэнцаў і законных прадстаўнікоў                      па пытаннях прафілактыкі шкодных звычак;

арганізацыя сустрэч навучэнцаў з прадстаўнікамі Слуцкага РАУС.

Ключавая роля ў выхаванні культуры здаровага ладу жыцця навучэнцаў і прафілактыцы шкодных звычак ва ўстанове адводзіцца настаўнікам, якія выконваюць функцыі класных кіраўнікоў. У першую чаргу, гэта арганізацыя і планаванне выхаваўчай работы з класным калектывам на аснове аналізу сацыяльнай характарыстыкі сям’і. Класнымі кіраўнікамі ўстановы граматна плануецца выхаваўчая работа з класам             на аснове плана сацыяльнай, выхаваўчай і ідэалагічнай работы ўстановыз улікам узросту і асаблівасцей калектыву. Класныя і інфармацыйныя гадзіны праводзяцца ў адпаведнасці з тэматычнай накіраванасцю (каляндарныя даты, тэматычныя тыдні).

За І паўгоддзе навучальнага года настаўнікамі і навучэнцамі                     ў дадзеным напрамку была праведзена вялікая работа. З самага першага тыдня навучальнага года педагогі ўстановы актыўна ўключыліся                       ў арганізацыю і правядзенне спартыўных мерапрыемстваў, прысвечаных спартакіядзе школьнікаў “Усе на восеньскі крос!”

Праведзены тэматычныя класныя гадзіны: “Звычкі, якія пагражаюць здароўю” (І-VI класы); “Алкагалізм – зломленыя лёсы” (7-11 класы);            “Як зберагчы сябе ад вірусных захворванняў? Правілы прафілактыкі”            (I-XI класы). Прайшла ў групе дашкольнай адукацыі гульня-падарожжа “Як засцерагчы сябеад вірусаў”; адбыўсяквэст “ЗдОрава! ЗдарОва! Карысна” (у рамках акцыі “ЗдОрава! ЗдарОва!”). У рамках праекта “Школа –тэрыторыя здароўя” прайшло спартыўнае свята “Мая сям’я                   за ЗЛЖ” (II-VIII класы).

Такім чынам, у рабоце настаўнікаў, якія выконваюць функцыі класных кіраўнікоў, складзена сістэма па выхаванні ў навучэнцаў культуры здаровага ладу жыцця і прафілактыцы шкодных звычак. Педагогі выкарыстоўваюць пры правядзенні класных мерапрыемстваў актыўныя і эфектыўныя сучасныя формы і метады арганізацыі выхаваўчай дзейнасці. Але ў класнага кіраўніка V класа Ілюкевіч Д.У. на класных                і інфармацыйных гадзінах адсутнічаюць гульнёвыя моманты                        і фізкультхвілінкі. Таксама не ўсе класныя кіраўнікі пры падрыхтоўцы             да класных і інфармацыйных гадзін карыстаюцца дапамогай навучэнцаў. Трэба адзначыць дастаткова высокі метадычны ўзровень падрыхтоўкі                   і правядзення класных і інфармацыйных гадзін настаўнікамі пачатковых класаў Вялічка С.М., Гурыновіч І.П., Анцыповіч А.В., а таксама класных кіраўнікоў Шакун Т.І., Шапавал В.А., Саротнік Ж.С., Крот Н.М.

З мэтай выхавання ў навучэнцаў устойлівых станоўчых маральных якасцей, папулярызацыі здаровага ладу жыцця, папярэджання супрацьпраўных паводзін і прафілактыкі шкодных звычак ва ўстанове адукацыі з 27.11.2021 па 03.12.2021 прайшлі мерапрыемствы тыдня здаровага ладу жыцця.

План уключаў арганізацыю і правядзенне класных (класныя                      і інфармацыйныя гадзіны), агульнашкольных мерапрыемстваў                            і мерапрыемстваў па інфармаванні навучэнцаў, іх законных прадстаўнікоў і педагогаў па пытаннях прафілактыкі шкодных звычак і здаровага ладу жыцця, мерапрыемстваў у рамках шостага школьнага дня.

Быў арганізаваны Дзень здаровага ладу жыцця. У гэты дзень                    у рамках плана работы шостага дня для навучэнцаў II-IV класаў была праведзена інтэрактыўная гульня “Дзевяць крокаў да здароўя”, для навучэнцаў VIII-IX класаў прайшоў конкурс антырэкламы “Шкодныя звычкі – гэта не модна”, а навучэнцы V-VII класаў прынялі ўдзел                       у спартыўным марафоне “Мая сям’я супраць залежнасцей”. Дадзеныя мерапрыемствы спрыялі павышэнню фізічнай культуры і культуры здаровага ладу жыцця навучэнцаў.

У I-XI класах прайшлі інфармацыйныя гадзіны, прысвечаныя прафілактыцы СНІДу і ВІЧ-інфекцыі: “ВІЧ: што трэба ведаць,                                   каб не баяцца”. Навучэнцы V-XI класаў прынялі ўдзел у акцыі                       “Мыза здаровую нацыю”.

Выхаванцы групы падоўжанага дня сталі ўдзельнікамі гульні-падарожжа “Здорава здаровым быць”, падчас якой яны адгадвалі загадкі, складалі прыказкі і выконвалі фізічныя практыкаванні. Мерапрыемства прайшло пад дэвізам “Здаровы лад жыцця – гэта не толькі карысна,                    але і модна!”.

Таксама навучэнцы ўстановы адукацыі актыўна паўдзельнічалі                    ў акцыі “Чырвоная стужка”, прысвечанай Сусветнаму дню барацьбы                  і прафілактыкі СНІДу і ВІЧ-інфекцыі.

Для навучэнцаў VI-XI класаў бібліятэкар Давідоўская В.У. правяла Дзень здароўя ў школьнай бібліятэцы “Здаровы я – здаровая краіна”. Асноўнай мэтай мерапрыемства з’яўлялася фарміраванне здаровага ладу жыцця і негатыўнага стаўлення непаўналетніх да шкодных звычак.

Для навучэнцаўI-XI класаўправедзены тэматычныя класныя гадзіны, прысвечаныя прафілактыцы шкодных звычак, пад агульнай назвай “ВІЧ/СНІД: аб гэтым павінен ведаць кожны”. Класнымі кіраўнікамі былі выкарыстаны відэаматэрыялы і інтэрнэт-рэсурсы.

Шакун Т.І. правяла адкрыты факультатыўны занятак у II класе “Хлеб усяму галава”, падчас якога навучэнцы атрымалі ўяўленне аб хлебе як галоўным прадукце харчавання, высветлілі, што дае хлеб дзіцячаму арганізму. Занятак садзейнічаў выхаванню здаровых звычак харчавання, павазе да працы хлебароба, беражлівым адносінам да хлеба.

Выхавацелі ясляў-сада правялі спартландыю “Здорава здаровым быць”, якая спрыяла развіццю фізічных якасцей і ўмацаванню здароўя дзяцей.

Навучэнцы I-IV класаў прынялі актыўны ўдзелу конкурсе малюнкаў “Сёння ў модзе ЗЛЖ”.

На працягу тыдня здаровага ладу жыцця была арганізавана выстава тэматычнай літаратуры “Абарані сябе ад СНІДу” з мэтай вывучэння ўмоў, якія аказваюць уплыў на стан здароўя навучэнцаў. Праведзена анкетаванне настаўнікаў наконт здароўезберагальнага працэсу ва ўстанове адукацыі і выяўлення фактараў рызыкі, якія ўплываюць на непаўналетніх     і дарослых у пытаннях культуры здаровага ладу жыцця і прафілактыкі шкодных звычак. У анкетаванні прымалі ўдзел 12 настаўнікаў установы.   З 8 пытанняў, на мой погляд, 3 самыя цікавыя.

  1. Якія з каштоўнасцей для вас больш важныя? (9чалавек - 75% лічаць добрае здароўе больш важным ).
  2. Як вы лічыце, ці існуе ва ўстанове адукацыі сістэма работы педагогаў па праблеме захавання і ўмацавання здароўя навучэнцаў? (Існуе комплексна і пастаянна – адказалі 11 чалавек 91,6 %).
  3. Якія формы работы па праблеме здароўезберажэння вы выкарыстоўваеце ў педагагічнай практыцы? (Усе настаўнікі 100% выкарыстоўваюць гутаркі, лекцыі, семінары, дні здароўя і ўрокі здароўя як з навучэнцамі, так і з іх законнымі прадстаўнікамі).

(Фотаматэрыялы аб правядзенні тыдня здаровага ладу жыцця размешчаны на сайце ўстановы і ў тэлеграм-канале).

Усе запланаваныя мерапрыемствы тыдня здаровага ладу жыцця былі праведзены на дастаткова высокім метадычным узроўні.

Нельга недаацэньваць работу законных прадстаўнікоў з дзецьмі             па фарміраванні культуры здаровага ладу жыцця і прафілактыцы шкодных звычак.Менавіта гэтыя пытанні ўключаны ў Праграму бесперапыннага выхавання на 2021-2025 гады, у праект “Горад Слуцк – здаровы горад”             і таму сталі ключавымі ў тэматыцы агульнашкольных бацькоўскіх сходаў.

За першае паўгоддзе 2021/2022 навучальнага года былі праведзены два агульнашкольныя бацькоўскія сходы па пытаннях здаровага ладу жыцця: “Асаблівасці арганізацыі адукацыйнага працэсу ў 2021/2022 н.г.”, “Стварэнне бяспечнай прасторы для навучэнцаў і выхаванцаўва ўстанове                 і дома”, на якіх абмяркоўваліся пытанні: “Аб арганізацыі дзейнасці навучэнцаў у пазаўрочны час і шосты школьны дзень”і “Сістэма выхаваўчай работы ўстановы, накіраванай на фарміраванне культуры здаровага ладу жыццядзейнасці”.

Здзяйсняецца псіхолага-педагагічнае суправаджэнне бацькоў, азнаямленне з інфармацыяй па розных пытаннях выхавання праз рэалізацыю ў шосты школьны дзень праекта “Бацькоўскі ўніверсітэт”.       У бягучым навучальным годзе адбылося два пасяджэнні: “Жыццёвыя мэты падлеткаў” (Саротнік Ж.С.), “Здаровая сям’я — здаровае дзіця” (Шакун Т.І.).

Вялікая роля ў рабоце ўстановы па прафілактыцы шкодных звычак непаўналетніх і іх законных прадстаўнікоў належыць педагогу сацыяльнаму.Шапавал В.А. праводзіць гутаркі , лекцыі, семінары                       з навучэнцамі па прафілактыцы шкодных звычак, а таксама кансультацыі для законных прадстаўнікоў.

Павышэнню культуры здаровага ладу жыцця і прафілактыцы шкодных звычак навучэнцаў спрыяюцьфакультатыўныя заняткі “Здаровы лад жыцця” ў І-ІІ класе ( Шакун Т.І.).

Вялікае значэнне ў фарміраванні навыкаў здаровага ладу жыцця мае правядзенне ў шосты школьны дзень спартыўна-масавых мерапрыемстваў, арганізацыя дзён фізкультурна-аздараўленчай работы.           У гэтыя дні настаўнікі фізічнай культуры і здароўя і педагог-арганізатар праводзяць мерапрыемствы для розных узроставых катэгорый з мэтай павышэння культуры здароўезберажэння, прывіцця любові да спорту. Таксама ў шосты школьны дзень праходзяць заняткі аб’яднанняў                      па інтарэсах спартыўнай накіраванасці “Валейбол” і “Настольны тэніс” (ахоп навучэнцаў V-ІХ класаў - 17 з 41 навучэнца (41,5%)).

Ва ўстанове адукацыі арганізавана аздараўленне дзяцей                            у канікулярны час. Так, на восеньскіх канікулах бягучага навучальнага года аздаравілася 16,4 % дзяцей, а на зімовых канікулах праходзяць аздараўленне 18,03 % навучэнцаў.

Даклад намесніка дырэктара па аснаўной дзейнасці

Аб сістэме работы педагогаў установы па фарміраванні здароўезберагальнага асяроддзя пры арганізацыі вучэбнага працэсу. Рэалізацыя міжведамаснага праекта “Школа – тэрыторыя здароўя”

 

Навукоўцамі даўно ўстаноўлена, што стан здароўя чалавека                            на 49-53% залежыць ад ладу жыцця, на 18-20% - ад спадчыннасці,                                    на 17-20% - ад якасці навакольнага асяроддзя і на 8-10% –                                             ад медыцынскага абслугоўвання.

Немалаважнай умовай фізічнага і псіхалагічнага здароўя з’яўляецца культура здароўя, якая ў асноўным фарміруецца ў сям’і, паколькі яна матывуе і вызначае здаровы лад жыцця. Не сакрэт, што ў школьны перыяд фарміруецца здароўе чалавека на ўсё жыццё.

Паспяховасць навучання і выхавання ва ўстанове адукацыі вызначаецца ўзроўнем стану здароўя, з якім навучэнец прыходзіць                  у І-ы клас. Гэта зыходны фон. У далейшым для яго захавання                            і падтрымання важнымі з’яўляюцца ўмовы адукацыйнага асяроддзя.

Менавіта таму з 2019 года ўстанова адукацыі ўдзельнічае                                ў рэалізацыі міжведамаснага інфармацыйнага праекта “Школа – тэрыторыя здароўя”.

Мэта праекта: стварэнне здароўезберагальнага асяроддзя, накіраванага на прафілактыку захворванняў і забеспячэнне аптымальнага росту і развіцця навучэнцаў.

Асноўныя напрамкі праекта:

строгае захаванне рэжыму работы ўстановы адукацыі (вучэбныя заняткі - перапынак паміж навучальнымі заняткамі, канікулы, максімальна дапушчальная нагрузка на аднаго навучэнца);

пабудова вучэбных заняткаў з улікам дынамічнасці навучэнцаў,                      іх працаздольнасці, выкарыстанне розных сродкаў навучання (ЭСН, нагляднасць);

абавязковае выкананне гігіенічных патрабаванняў (праветрыванне памяшканняў, захаванне тэмпературнага і светлавога рэжыму, выкананне патрабаванняў да абсталявання навучальных кабінетаў і іх каляровага афармлення);

спрыяльны эмацыйны настрой (добразычлівасць настаўніка, настроенасць на сумесную дзейнасць і інш.);

арганізацыя выхаваўчых прафілактычных мерапрыемстваў, накіраваных па папярэджанне захворванняў.

Арганізуючы адукацыйны працэс, педагогі не павінны забываць                              аб выкарыстанні ў вучэбнай дзейнасці здароўезберагальных тэхналогій. Здароўезберагальная тэхналогія - гэта сістэма работы па захаванні                               і развіцці здароўя як дарослых, так і дзяцей.

З мэтай забеспячэння захавання здароўезберагальных і бяспечных умоў жыццядзейнасці навучэнцаў у 2021/2022 навучальным годзе адукацыйны працэс ажыццяўляецца ў адпаведнасці з санітарна-гігіенічнымі і спецыфічнымі санітарна-эпідэміялагічнымі патрабаваннямі.

У рэжыме работы ўстановы прадугледжаны перапынкі па 15 хвілін                                  (пасля 2 і 3 ўрокаў) і адзін 20 хвілін – пасля 6 урока. Усе навучэнцы забяспечаны гарачым харчаваннем, двухразовае харчаванне атрымліваюць навучэнцы асобных катэгорый (з малазабяспечаных і мнагадзетных сямей, навучэнцы з асаблівасцямі псіхафізічнага развіцця) 23 чалавекі (37,7%).

Ва ўстанове арганізаваны адукацыйны працэс у першую змену               з 9.00 да 15.40. Вытрыманы асноўныя спецыфічныя санітарна-эпідэміялагічныя патрабаванні да асвятлення, праветрывання вучэбных кабінетаў, майстэрні і спартыўнай залы. Вучнёўская мэбля прамаркіравана і адпавядае росту навучэнцаў. У кабінетах маюцца ў наяўнасці                               і выкарыстоўваюцца ў адукацыйным працэсе афтальмалагічныя трэнажоры.

Складзены графікі кантрольных работ для навучэнцаў І-ІV класаў                   і для V-ХІ класаў у адпаведнасці са спецыфічнымі санітарна-эпідэміялагічнымі патрабаваннямі і метадычнымі рэкамендацыямі (правядзенне кантрольных работ у панядзелак, аўторак, сераду і чацвер). Графікі зацвярджаюцца дырэктарам на пачатак кожнай чвэрці.

Арганізавана правядзенне факультатыўных, падтрымліваючых                     і стымулюючых заняткаў праз 20 хвілін пасля заканчэння вучэбных заняткаў.

Расклад вучэбных заняткаў навучэнцаў  складзены з улікам рангавай шкалы цяжкасці вучэбных прадметаў, а расклад заняткаў выхаванцаў дашкольнай адукацыі – з улікам узросту (адна рознаўзроставая група).

Такім чынам, ва ўстанове адукацыі створаны ўмовы                             для фарміравання здароўезберагальнага асяроддзя для навучэнцаў                             і выхаванцаў.

З мэтай вывучэння дзейнасці настаўнікаў-прадметнікаў                              па арганізацыі вучэбнай дзейнасці ў адпаведнасці з санітарна-гігіенічнымі патрабаваннямі і выкарыстанні здароўезберагальных тэхналогій былі наведаны вучэбныя заняткі “Чалавек і свет” у І і ІІІ класах, урок геаграфіі ў VII класе інтэграванага навучання і выхавання, урокі фізікі                                    і інфарматыкі, вучэбныя заняткі “Фізічная культура і здароўе”, а таксама заняткі “Развіццё маўленчай дзейнасці” і “Дзіця і грамадства” ў групе дашкольнай адукацыі.

У ходзе наведвання ўрокаў вывучалася дзейнасць педагогаў                         па захаванні санітарна-гігіенічных патрабаванняў да вучэбных заняткаў, выкарыстанне метадаў здароўезберагальных тэхналогій, рэалізацыя выхаваўчых задач, накіраваных на фарміраванне навыкаў здаровага ладу жыцця навучэнцаў.

Педагогі ўстановы граматна арганізуюць вучэбны працэс: улічваюць асаблівасці класа, стараюцца па магчымасці выкарыстоўваць разнастайныя метады арганізацыі вучэбнай дзейнасці, адсочваюць стамляльнасць навучэнцаў, праводзяць фізкультхвілінкі, гімнастыку                  для зроку, адсочваюць дазіроўку дамашніх заданняў.

На ўроку “Чалавек і свет” у І класе па тэме “Садавіна і агародніна” настаўнік Вялічка С.М. выкарыстоўвае інфармацыйна-камунікатыўныя                       і інтэрактыўныя тэхналогіі. Навучэнцы на працягу занятку перыядычна ўстаюць, рухаюцца. Настаўнікам праводзіцца работа па фарміраванні                  ў навучэнцаў правільнага і карыснага харчавання. Займальны матэрыял   на мультыбордзе захапляе дзяцей, яны актыўна ўдзельнічаюць у рабоце. Выхаваўчы патэнцыял такога ўрока відавочны. На працягу вучэбнага занятку ствараюцца ўмовы для развіцця культуры здаровага і карыснага харчавання.

На вучэбным занятку “Інфарматыка” ў VIII класе настаўнікам Баранавым А.С. ствараюцца ўмовы для фарміравання здаровага ладу жыцця: праводзіцца фізкультхвілінка, прысутнічае змена відаў дзейнасці, педагогам адсочваецца стамляемасць навучэнцаў. Аднак вучэбны матэрыял патрабуе больш інтэрактыўных метадаў. Навучэнцы большую частку ўрока праводзяць за камп’ютарамі, але настаўнікам  не прадугледжаны такі этап урока, як гімнастыка для зроку.

Пры наведванні вучэбнага занятку “Геаграфія” ў VII класе інтэграванага навучання і выхавання настаўнік Кожынава Т.У. выкарыстоўвае матэрыял у адпаведнасці з праграмай І аддзялення дапаможнай школы для дзяцей з інтэлектуальнай недастатковасцю, улічвае здольнасці навучэнца, імкнецца зацікавіць нагляднымі сродкамі навучання. Фізкультхвілінкі праводзіць настаўнік з выкарыстаннем інтэрнэт-рэсурсаў з музычным суправаджэннем. На працягу заняткаў прысутнічала змена відаў дзейнасці, гульні з ілюстрыраваным матэрыялам. Акрамя таго, настаўнікам праводзілася гутарка па захаванні рэжыму дня школьніка, што садзейнічала фарміраванню навыкаў здаровага ладу жыцця.

Ахова і ўмацаванне здароўя навучэнцаў, развіццё іх фізічных здольнасцей – асноўная задача настаўнікаў фізічнай культуры і здароўя. Наведаныя вучэбныя заняткі паказалі, што педагогамі створаны ўмовы для фарміравання фізічнай актыўнасці навучэнцаў. Настаўнікамі пачатковых класаў, якія выкладаюць вучэбны прадмет “Фізічная культура і здароўе” і заняткі “Час здароўя і спорту” Гурыновіч І.П. і Шэлег Н.І., дастаткова граматна арганізуюцца ўсе этапы ўрока, адсочваецца фізічны стан навучэнцаў. Для вучняў І-IV класаў арганізуюцца цікавыя і змястоўныя гульні, пачарговыя фізічныя практыкаванні. На працягу заняткаў настаўнікамі праводзяцца гутаркі па прафілактыцы дзіцячага траўматызму. Разам з тым, настаўнікамі не рэалізуюцца выхаваўчыя задачы: не праводзяцца гутаркі па фарміраванні здаровага ладу жыцця (рацыён харчавання, выпрацоўка правільнай хады і інш.).

На ўроках фізічнай культуры і здароўя ў Х класе, настаўнік Ілюкевіч Д.У., дастаткова высокакая шчыльнасць вучэбнага занятку. Настаўнік выпрацоўвае фізічныя ўменні навучэнцаў метадамі шматразовага паўтарэння і асабіста ўдзельнічае ў працэсе фізічнай дзейнасці. Аднак настаўнікам пры вялікіх фізічных нагрузках недастаткова адсочваецца стамляльнасць вучняў, заключны этап урока не вытрымліваецца па часе (навучэнцы не паспяваюць узнавіць фізічны стан). Таксама настаўнікам несістэмна праводзіцца пульсаметрыя і выхаваўчыя задачы ўрока не рэалізуюцца на працягу вучэбнага занятку.

Такім чынам, наведаныя вучэбныя заняткі паказваюць, што настаўнікамі пры арганізацыі вучэбнай дзейнасці праводзіцца работа, накіраваная на фарміраванне навыкаў здаровага ладу жыцця. Педагогі ўстановы пры арганізацыі вучэбнага працэсу ўлічваюць асаблівасці класа, стараюцца па магчымасці выкарыстоўваць разнастайныя метады арганізацыі вучэбнай дзейнасці, адсочваюць стамляльнасць навучэнцаў, праводзяць фізкультхвілінкі, гімнастыку для зроку, адсочваюць дазіроўку дамашніх заданняў.

Мэтай аздараўленчай работы ў групе дашкольнай адукацыі з’яўляецца стварэнне ўстойлівай матывацыі на патрэбу захавання свайго ўласнага здароўя і здароўя навакольных. Таму вельмі важна правільна арганізаваць выхаваўча-адукацыйны працэс па ўсіх напрамках развіцця дзіцяці, адабраць сучасныя праграмы, якія забяспечваюць далучэнне      да каштоўнасцяў, і перш за ўсё, - да каштоўнасцяў здаровага ладу жыцця.

Наведаныя заняткі “Развіццё маўленчай дзейнасці” і “Дзіця  і грамадства” групы дашкольнай адукацыі паказваюць, што выхавацелі Савіцкая Т.К. і Яновіч К.М. арганізуюць дзейнасць выхаванцаў, накіроўваючы на фарміраванне ўяўлення аб тым, што добра быць здаровым, а хварэць – дрэнна. Выхавацелі на занятках прывіваюць навыкі здаровых паводзін, вучаць прыслухоўвацца да свайго арганізму   і самаадчування, нагадваюць прыкметы здароўя (хочацца гуляць, рухацца і, наадварот, нежаданне гуляць, стамляльнасць). На занятках выхавацелі імкнуцца прывіваць культуру здароўя, ладзяць гутаркі “Навошта мыць рукі?”, “Чаму трэба больш бываць на свежым паветры?” і іншыя.  На працягу заняткаў Савіцкая Т.К. і Яновіч К.М. праводзяць рухомыя гульні, перамяшчаюцца з адной гульнёвай зоны ў другую, вытрымліваюць час заняткаў для кожнай узроставай катэгорыі.

Такім чынам, выхавацелямі групы дашкольнай адукацыі праводзіцца сістэмная работа па фарміраванні першасных навыкаў здаровага ладу жыцця выхаванцаў. Разам з тым, недастаткова сістэматызавана работа выхавацелей па інфармаванні законных прадстаўнікоў па пытаннях культуры здароўя і прафілактыцы вірусных і інфекцыйных захворванняў.

 

Вывады:

ва ўстанове адукацыі створаны ўмовы для фарміравання здароўезберагальнага асяроддзя для навучэнцаў і выхаванцаў;

педагогі ўстановы граматна арганізуюць вучэбны працэс: улічваюць асаблівасці класа, стараюцца па магчымасці выкарыстоўваць разнастайныя метады арганізацыі вучэбнай дзейнасці, адсочваюць стамляемасць навучэнцаў, праводзяць фізкультхвілінкі, гімнастыку   для зроку, адсочваюць дазіроўку дамашніх заданняў;

настаўнікамі фізічнай культуры і здароўя і заняткаў “Час здароўя і спорту” створаны ўмовы для фарміравання спартыўнай актыўнасці навучэнцаў, развіцця іх фізічных здольнасцей;

дзейнасць выхавацеляў дашкольнай адукацыі накіравана на стварэнне ўстойлівай матывацыі выхаванцаў на патрэбу захавання свайго ўласнага здароўя і здароўя навакольных.

План падрыхтоўкі педсавета

План падрыхтоўкі педагагічнага савета

Сістэма работы педагагічнага калектыву па фарміраванні здароўезберагальнага асяроддзя ва ўстанове адукацыі. Павышэнне педагагічнай кампетэнтнасці настаўнікаў і выхавацеляў дашкольнай адукацыі ў пытаннях здароўезберажэння”.

 

Дата правядзення: 29.12.2021

Час правядзення: 10.00

Месца правядзення: актавая зала

 

Мэта: павышэнне ўзроўню прафесійнай кампетэнтнасці педагогаў у пытаннях выхавання культуры здаровага ладу жыцця навучэнцаў, прафілактыкі шкодных звычак.

Задачы:

раскрыць актуальнасць праблемы выхавання здаровага ладу жыцця навучэнцаў, прафілактыкі шкодных звычак;

прааналізаваць работу педагагічнага калектыву па фарміраванні здароўезберагальнага асяроддзя ва ўстанове адукацыі;

абмеркаваць актуальныя праблемы арганізацыі работы педагогаў                                      па выхаванні культуры здаровага ладу жыцця;

садзейнічаць выяўленню і распаўсюджанню пазітыўнага вопыту работы педагогаў па выкарыстанні здароўезберагальных тэхналогій у адукацыйным працэсе;

выпрацаваць шляхі павышэння педагагічнай кампетэнтнасці настаўнікаў                      і выхавацеляў дашкольнай адукацыі ў пытаннях здароўезберажэння.

Форма правядзення: круглы стол

 

№ п/п

Змест работы

Тэрмін выканання

Адказныя

Арганізацыйна-педагагічная дзейнасць

1

Сход кіраўніцтва па падрыхтоўцы да педсавета

04.11.2021

Дырэктар

Корбут Т.Л.

2

Арганізацыя работы творчай групы

08.11.2021

Намеснік дырэктара

Сугака В.С.

3

Кансультаванне творчай групы па падрыхтоўцы і прадстаўленні матэрыялаў педсавета

Лістапад – снежань 2021

Намеснік дырэктара

Сугака В.С.

4

Анкетаванне навучэнцаў, бацькоў, педагогаў

Снежань 2021

Намеснік дырэктара Гурыновіч А.В.

Самакантроль

5

Сістэма работы настаўнікаў-прадметнікаў па фарміраванні здароўезберагальнага асяроддзя ва ўстанове адукацыі

06.12.-19.12.2021

 

Дырэктар

Корбут Т.Л.,

намеснік дырэктара Сугака В.С.

6

Работа класных кіраўнікоў, выхавацеляў дашкольнай адукацыі і групы падоўжанага дня па выхаванні культуры здаровага ладу жыцця                          і прафілактыкі шкодных звычак

14.12 - 19.12.2021

Намеснік дырэктара Гурыновіч А.В.

Вучэбна-метадычная дзейнасць

7

Арганізацыя і правядзенне мерапрыемстваў у рамках рэспубліканскай інфармацыйна-адукацыйнай акцыі                                       па прафілактыцы тытунекурэння як фактару рызыкі развіцця анкалагічных захворванняў

18.11 – 25.11.2021

намеснік дырэктара Гурыновіч А.В.

8

Арганізацыя правядзення тыдня здаровага ладу жыцця “Жыццё без шкодных звычак”

27.11 – 03.11.2021

намеснік дырэктара Гурыновіч А.В.

9

Правядзенне семінара “Кіберзлачыннасць”

10.12.2021

Педагог сацыяльны Шапавал В.А.

10

Правядзенне адкрытых вучэбных заняткаў і класных гадзін па тэме педагагічнага савета

 

27.11 - 12.12.2021

намеснік дырэктара Гурыновіч А.В, намеснік дырэктара    Сугака В.С., настаўнікі, класныя кіраўнікі

11

Падрыхтоўка мультымедыйных прэзентацый і відэаматэрыялу              да педсавета

Снежань 2021

Намеснік дырэктара

Сугака В.С.,      намеснік дырэктара Гурыновіч А.В,

Настаўнік інфарматыкі

Баранаў А.С.

12

Падрыхтоўка праекта рашэння педсавета

27.12.2021

Намеснік дырэктара Сугака В.С.

13

Афармленне метадычных распрацовак і практычных матэрыялаў педсавета

Да 30.12.2021

Прадстаўнікі творчай групы

Павестка педагагічнага савета

 

Павестка педагагічнага савета

Сістэма работы педагагічнага калектыву па фарміраванні здароўезберагальнага асяроддзя ва ўстанове адукацыі. Павышэнне педагагічнай кампетэнтнасці настаўнікаў і выхавацеляў дашкольнай адукацыі ў пытаннях здароўезберажэння

 

  1. Аб сістэме работы педагогаў установы па фарміраванні здароўезберагальнага асяроддзя пры арганізацыі вучэбнага працэсу. Рэалізацыя міжведамснага праекта “Школа – тэрыторыя здароўя”.

Інфармацыя намесніка дырэктара В.С.Сугака

  1. Аб рабоце класных кіраўнікоў з навучэнцамі і іх законнымі прадстаўнікамі па фарміраванні культуры здаровага ладу жыцця і прафілактыцы шкодных звычак. Павышэнне педагагічнай кампетэнтнасці настаўнікаў і выхавацеляў дашкольнай адукацыі ў пытаннях здароўезберажэння.

Інфармацыя намесніка дырэктара А.В.Гурыновіч

  1. Аб рэалізацыя патэнцыялу факультатыўнага занятку “Здаровы лад жыцця”, накіраванага на фарміраванне свядомага стаўлення да свайго здароўя навучэнцаў на І ступені агульнай сярэдняй адукацыі.

Інфармацыя настаўніка Т.І.Шакун

  1. Аб арганізацыі выхаваўчай работы, накіраванай на фарміраванне здаровага ладу жыцця, праз пазаўрочную занятасць навучэнцаў і спартыўна-масавую работу ў шосты школьны дзень.

Інфармацыя педагога-арганізатара В.С.Шкудун

  1. Аб здароўі і бяспецы дзяцей у разрэзе кіберзлачыннасці.

Інфармацыя педагога сацыяльнага В.А.Шапавал

  1. Аналіз праходжання курсавой падрыхтоўкі педагогамі ўстановы за 2021 год.

Інфармацыя намесніка дырэктара В.С.Сугака

Павестка педагагічнага савета

22.12.2020

Павестка педагагічнага савета

“Стратэгіі работы суб’ектаў выхаваўчага працэсу па прафілактыцы супрацьпраўных паводзін навучэнцаў, абароне іх правоў і законных інтарэсаў, фарміраванні адказных і бяспечных паводзін”

 

  1. Аб сістэме работы педагагічнага калектыву па прававым выхаванні, прафілактыцы супрацьпраўных паводзін навучэнцаў.

Даклад намесніка дырэктара В.С.Сугака

  1. Аб рабоце ўстановы адукацыі па рэалізацыі патрабаванняў Дэкрэта Прэзідэнта Рэспублікі Беларусь ад 24.11.2006 №18 “Аб дадатковых мерах па дзяржаўнай ахове дзяцей у неблаганадзейных сем’ях”.

Інфармацыя педагога сацыяльнага В.А.Шапавал

  1. Аб рабоце класных кіраўнікоў з навучэнцамі і іх законнымі прадстаўнікамі па прафілактыцы супрацьпраўных паводзін і шкодных звычак.

Інфармацыя кіраўніка МА класных кіраўнікоў Т.І.Шакун

  1. Аб рэалізацыя патэнцыялу вучэбнага прадмета “Асновы бяспекі жыццядзейнасці” і пазакласнай работы, накіраванай на фарміраванне адказных і бяспечных паводзін навучэнцаў на І ступені агульнай сярэдняй адукацыі.

Інфармацыя настаўніка пачатковых класаў А.В.Анцыповіч

  1. Аб занятасці навучэнцаў у пазаўрочнай дзейнасці, аб’яднаннях па інтарэсах, грамадскіх аб’яднаннях як сродак развіцця станоўчай накіраванасці асобы навучэнцаў.

Інфармацыя педагога-арганізатара В.С.Шкудун