Тыдзень роднай мовы

Для навучэнцаў пачатковых класаў прайшла гульня-віктарына " Цудоўны свет беларускай мовы", якая садзейнічала фарміраванню імкнення вывучаць родную мову, развіццю пазнавальнага інтарэсу да беларускай мовы, выхаванню любові і павагі да роднага краю, яго гісторыі.

Навучэнцы старэйшых класаў прынялі ўдзел у творчай акцыі "Чытаем Максіма Танка разам" (да 110-годдзя з дня нараджэння паэта).

З мэтаю развіцця творчых здольнасцей, кемлівасці, выхавання любові да роднай мовы, цікавасці да моўнага багацця беларускага народа была праведзена конкурсна- забаўляльная праграма "Любі, ведай, шануй роднае слова!" У час мерапрыемства каманды спаборнічалі ў веданні літаратурных твораў, прыказак, фразеалагізмаў, у перакладзе слоў

Літаратурная гасцёўня стала значнай падзеяй Тыдня роднай мовы, бо настаўнікам і вучням выпаў гонар сустрэцца і пагутарыць з членам Саюза пісьменнікаў Беларусі Ганнай Іванаўнай Міклашэвіч. З захапленнем слухалі школьнікі аповед пра жыццёвы і творчы шлях паэтэсы, пра тэматыку і праблематыку яе твораў. Дэкламуючы свае вершы, Ганна Іванаўна імкнулася паяднаць усіх слухачоў адной ідэяй - любоўю да роднага слова.

У групе дашкольнай адукацыі была праведзена Акцыя "Беларускiя часопісы, кнiгi для дзяцей". Дашкольнiкi наведалі школьную бiблiятэку. Выхаванцы з задавальненнем разглядалі часопісы, дзiцячыя кнiгi.

У рамках тыдня роднай мовы адбыўся гастранамічны фэст-гульня “Беларуская кухня”, у час якога навучэнцы пачатковых класаў пазнаёміліся з беларускімі нацыянальнымі стравамі, укладам жыцця беларусаў, дакрануліся да скарбніц народнай культуры.

Падчас флаер-фэсту "Мой родны кут, як ты мне мілы ..." навучэнцы 8-11 класаў даведаліся, што такое флаер і ў чым яго адрозненне ад лістоўкі, разважалі, якім павінен быць сучасны флаер. Акрамя гэтага школьнікі прадэманстравалі розныя віды флаераў, якія выклікаюць у людзей пачуццё павагі, гонару, патрыятызму, любові да сваёй краіны, малой радзімы, роднай мовы.

Далучыцца да багатай духоўнай спадчыны беларусаў змаглі навучэнцы 5-7 класаў падчас квэст-гульні "Фальклор, фальклор - душа народа". У ходзе мерапрыемства дзеці паглыбілі свае веды па этнаграфіі, гісторыі і культуры Беларусі.

Нікога не пакінуў раўнадушным песенны марафон "Мова родная - мова модная", які прайшоў пад дэвізам " Слухай сваё!". На працягу дня ва ўстанове гучалі беларускія народныя песні, а ўсе жадаючыя мелі магчымасць выканаць песні на беларускай мове.

У рамках тыдня роднай мовы для выхаванцаў дашкольнай адукацыі праведзена экскурсія "Аб родным краі роднай мовай". Дзеці даведаліся пра назвы бытавых прадметаў на беларускай мове і іх прызначэнне, дакрануліся да скарбніц народнай культуры.

У групе дашкольнай адукацыі была праведзена Акцыя "Размаўляй са мной па-беларуску" на тэму "Агароднiна". Выхаванцы пазнавалі i называлі агароднiну на беларускай мове, складалі апiсальныя апавяданні пра агароднiну.

З мэтай выхавання ў навучэнцаў любові і павагі да роднай мовы, культуры беларускага народа прайшла ва ўстанове адукацыі акцыя "Размаўляй са мной па-беларуску", якая дала старт святкаванню Тыдня роднай мовы "Як ты дорага мне, мая родная мова!"

У стварэнні інтэрактыўнага воблака "Маё любімае беларускае слова" прынялі актыўны ўдзел усе навучэнцы і настаўнікі ўстановы адукацыі.

изображение_viber_2022-09-21_20-42-40-540изображение_viber_2022-09-21_20-42-40-609