Агульнашкольныя мерапрыемствы

Шчыра і душэўна вітала школа сваіх выпускнікоў 1 лютага на вечары "Сустрэча школьных сяброў". На свята былі запрошаны выпускнікі юбілейных выпускаў і іх класныя кіраўнікі. Перад урачыстай часткай вечара прайшлі “Сяброўскія сустрэчы” ў класных кабінетах, экскурсіі па школе.

У час святочнай праграмы педагогі выказалі словы віншавання выпускнікам, навучэнцы падрыхтавалі музычныя падарункі. А выпускнікі адрасавалі настаўнікам словы шчырай падзякі і дарылі кветкі.

Вельмі прыемна, што на вечары сустрэчы выпускнікоў прысутнічала знакамітая выпускніца юбілейнага 25-гадовага выпуску Гольчыцкай сярэдняй школы Кляшчук Інеса Анатольеўна, якая з’яўлялася прадстаўніком Нацыянальнага сходу Рэспублікі Беларусь, а зараз працуе на пасадзе дырэктара прадстаўніцтва Белдзяржстраху.

Прадстаўнікі ўстановы наведалі раённае навагодняе свята "Шэсце Дзедаў Марозаў і Снягурак"

4 кастрычніка ў школе прайшоў святочны канцэрт “Прыміце нашы віншаванні”, прысвечаны Дню настаўніка. Навучэнцы ўсіх класаў прынялі ўдзел у віншавальнай праграме. Гучалі песні, вершы і проста шчырыя словы ў адрас педагогаў. Святочны настрой, урачыстая атмасфера аб’ядналі настаўнікаў, навучэнцаў і бацькоў. У завяршэнні праграмы навучэнцы і бацькі ўручылі настаўнікам кветкі.

12 верасня ва ўстанове адукацыі прайшоў урок мужнасці “Ёсць такая прафесія Радзіму абараняць”. Адбылася сустрэча навучэнцаў 8 – 9 класаў з намеснікам камандзіра роты в/ч 26447 Давыдоўскім Мікітам Мікалаевічам, які расказаў навучэнцам пра сучасныя вайсковыя прафесіі і ўмовы паступлення ў Ваенную акадэмію Рэспублікі Беларусь, а таксама на ваенныя факультэты іншых устаноў адукацыі.

02.09.2019 года прайшла ўрачыстая лінейка “Добры дзень, школа!”, прысвечаная Дню ведаў. На свяце прысутнічалі не толькі навучэнцы і педагогі школы, але і бацькі, і шматлікія госці.

Галоўнымі героямі ўрачыстасці былі першакласнікі.