Папячыцельскі савет

Мэта дзейнасці: стварэнне ўмоў для рэалізацыі мэт і задач, статутных функцый і перспектыўнага развіцця ўстановы адукацыі праз умацаванне матэрыяльна-тэхнічнай базы, забеспячэнне якасці адукацыі.

         Задачы дзейнасці:

1. Умацоўваць і ўдасканальваць фінансавую і матэрыяльную базы ўстановы адукацыі.
2. Падтрымліваць адораных і высокаматываваных навучэнцаў і садзейнічаць іх удзелу ў алімпіядах, канферэнцыях і конкурсах рознага ўзроўню.
3. Садзейнічаць арганізацыі і правядзенню сацыяльна-культурных мерапрыемстваў установы адукацыі, развіццю адукацыйнага працэсу.
4. Прыцягваць дадатковыя рэсурсы для забеспячэння дзейнасці і развіцця ўстановы адукацыі.
5. Удасканальваць матэрыяльна-тэхнічную базу школы.

Напрамкі выкарыстання сродкаў папячыцельскага савета

Папячыцельскі савет з’яўляецца органам самакіравання дзяржаўнай установы адукацыі “Першамайская сярэдняя школа Слуцкага раёна”, задачамі дзейнасці якога з’яўляецца садзеянне ўстанове адукацыі ў прыцягненні пазабюджэтных сродкаў для рэалізацыі ўстаўных функцый установы, аб’яднанне намаганняў, якія накіраваны на ўмацаванне матэрыяльна-тэхнічнай базы, стварэнне спрыяльных умоў для выхавання, вучобы, працы і адпачынку навучэнцаў.

         На падставе Пастановы Міністэрства адукацыі Рэспублікі Беларусь ад 25.06.2011 № 46 “Аб зацвярджэнні Палажэння аб Папячыцельскім савеце ўстановы адукацыі” папячыцельскі савет арганізуе сваю дзейнасць ў адпаведнасці з Кодэксам Рэспублікі Беларусь аб адукацыі, Уставам установы адукацыі.

         Папячыцельскі савет створаны па рашэнні ініцыятыўнай групы (пратакол ад 30.08.2022 №1), сфарміраваны з ліку законных прадстаўнікоў навучэнцаў і педагагічных работнікаў у колькасці 15 чалавек.

         Папячыцельскі савет дзейнічае на аснове прынцыпаў: добраахвотнасці членства, раўнапраўя членаў савета, калегіяльнасці кіраўніцтва, галоснасці прымаемых рашэнняў.

         Дзейнасць папячыцельскага савета ажыццяўлялася на падставе плана работы на 2022/2023 навучальны год, які быў узгоднены на агульным сходзе папячыцельскага савета (пратакол ад 30.08.2022 № 1), вызначаныя задачы рэалізаваны на здавальняючым узроўні.

         Вышэйшым органам кіравання папячыцельскага савета з’яўляецца агульны сход. Агульны сход папячыцельскага савета праводзіцца 1 раз у чвэрць (па неабходнасці праводзяцца незапланаваныя пасяджэнні). Для каардынацыі дзейнасці папячыцельскага савета на пасяджэнні запрашаецца кіраўнік установы адукацыі.

         У 2022/2023 навучальным годзе прайшло 5 пасяджэнняў агульнага сходу папячыцельскага савета.

         На першым пасяджэнні размеркаваны абавязкі паміж членамі савета, разгледжаны план работы на 2022/2023 н.г. На пасяджэннях абмяркоўваліся пытанні арганізацыі экскурсій для навучэнцаў, арганізацыі і правядзення агульнашкольных мерапрыемстваў, выканання плана па зборы другаснай сыравіны і іншыя.

         На працягу справаздачнага перыяду папячыцельскі савет садзейнічаў прыцягненню пазабюджэтных сродкаў для арганізацыі дзейнасці  і развіцця школы, рамонту памяшканняў і добраўпарадкаванні тэрыторыі школы.

         Фінансавыя сродкі папячыцельскага савета фарміруюцца  з добраахвотных узносаў і іншых крыніц, не забароненых заканадаўствам. Бацькоўская дапамога аказваецца толькі на добраахвотнай аснове. Пералічэнне сродкаў ажыццяўляецца па квітанцыі на разліковы рахунак упраўлення па адукацыі Слуцкага райвыканкама. Інфармацыя                     аб рэквізітах разліковага рахунку размешчана на стэндзе “Інфармацыя для бацькоў”, на сайце ўстановы адукацыі.

         За час работы папячыцельскага савета і кіраўніцтва ўстановы адукацыі атрымалася сфарміраваць адносіны супрацоўніцтва, што, безумоўна, з’яўляецца спрыяльнай асновай для сумеснай дзейнасці.

         На працягу 2022/2023 навучальнага года на папячыцельскі рахунак установы адукацыі паступіла 415 рублёў 06 капеек (414 рублёў –  дабраахвотныя ўзносы і 1 руб. 06 капеек – астача на 30.08.2022).

         На набыццё лакафарбавых матэрыялаў і інструментаў для афарбоўкі (рахунак-фактура № 20029303 ад 16.05.2023) выкарыстана 248 рублёў       50 капеек:

1. эмаль ПФ-266 класічная 10 шт. - 232 руб. 92 кап.
2. растваральнік PRDFI 1 шт. - 15 руб. 58 кап.

         На 30.08.2023 на рахунку засталося 166 рублёў 56 капеек. Сродкі, якія знаходзяцца на папячыцельскім рахунку, будуць назапашвацца для правядзення ў 2023/2024 н.г. рамонтных работ і на іншыя мэты ў адпаведнасці з рашэннем папячыцельскага савета.

         Лічу, што ў 2023/2024 навучальным годзе неабходна накіраваць работу папячыцельскага савета на арганізацыю экскурсійных паездак для навучэнцаў, садзеянне школе ў рамонце вучэбных кабінетаў, памяшканняў агульнага карыстання, добраўпарадкаванні і азеляненні тэрыторыі школы.

На пачатак 2021/2022 навучальнага года на папячыцельскі рахунак установы адукацыі паступіла 690 рублёў 10 капеек (499 рублёў –  дабраахвотныя ўзносы і 191 руб. 10 капеек – астача на 30.08.2021). На набыццё лакафарбавых матэрыялаў і інструментаў для афарбоўкі (таварная накладная №2244586 ад 23.06.2022) выкарыстана 689 рублёў 4 капейкі:

1. эмаль ПФ - 115 бежавая 1 шт. - 16 руб. 17 кап.;
2. эмаль ПФ – 266 класічная 18 шт. – 419 руб. 22 кап.
3. эмаль ПФ – 115 белая 3 шт. – 78 руб. 87 кап.
4. эмаль ПФ – 115 жоўтая 1 шт. – 19 руб. 49 кап.
5. эмаль ПФ – 115 шэрая 1 шт. – 22 руб. 29 кап.
6. эмаль ПФ – 115 бэзавая 1 шт. – 17 руб. 13 кап.
7. эмаль DEKOR GOLD марская хваля 1 шт. – 17 руб. 99 кап.
8. лак ПФ 157 1 шт. – 11 руб. 79 кап.
9. лента малярная 4 шт – 15 руб. 16 кап.
10. пэнздаль флейцавы 2 шт. – 3 руб. 58 кап.
11. растваральнік 646 GOLD DEKOR4 шт. – 19 руб. 96 кап.
12. лента малярная 1 шт. – 3 руб. 09 кап.
13. міні ролік STARTUL MASTER 1 шт.- 1 руб. 79 кап.
14. міні ролік VELOURS 1 шт.- 1 руб. 99 кап.
15. валік малярны 1 шт.- 8 руб. 99 кап.
16. валік малярны 1 шт. – 9 руб. 09 кап.
17. валік паліакрыл 1 шт. - 8 руб. 29 кап.
18. пэнздаль флейцавы 3 шт. – 8 руб. 37 кап.
19. пэнздаль плоскі 1 шт. – 3 руб. 49 кап.
20. пэнздаль флейцавы 1 шт. - 2 руб. 29 кап.

         На 30.08.2022 на рахунку засталося 1 рубель 6 капеек.